Á Spáni get ég skemmt mér.........

 

Friðfinnur þenur raddböndin í einni bestu og háskalegustu garðveislu sem haldinn var á Timor Sol sumarið 1982.  Veit ekki hversu ljúfar minningar þið eigið frá þessari ferð  en veit að sú ágenga snót, Salmonella leitaði á marga og skildi auma eftir.    

Friðfinnur og Inga Dagný Eydal  hafa  orðið við þeirri ósk að taka að sér veislustjórn í Höllinni þann 16. júní og munu þau vafalítið slá á létta strengi, syngja og fara með gamanmál eins og þeim einum er lagið og etv syngur Freddi sama lagið og hann flytur á meðfylgjandi mynd af sömu innlifun.    Bætti nokkrum 4Z, 5U og 6U myndum inn á albúmin.    Lilja Stefánsdóttir.

 

 

Hver man?

Á myndunum sem komnar eru í möppu sem merkt er Eins árs
stúdentar sést að það hefur einhver boðið öllum heim
þegar þá. Það hefur líklega verið síðdegisboð fyrir höllina eða eitthvað þess háttar. EN man einhver hver var svo rausnarlegur???

Húrra - fyrstu myndirnar sendar inn

Hún Lára Ágústa í F-inu á hrós skilið því hún er búin að senda inn myndir!! Þær eru að sjálfsögðu komnar inn í albúm. Kíkið endilega og sendið svo inn fleiri myndir og sögur og allt það.

Jafn ung og þá?

Ég hef verið að velta því fyrir mér, bara svona af því að ég missti af 20 ára veislunni, hversu virðuleg bekkjarsystkini mín eru orðin. Ég man eftir því þegar við vorum nýstúdentar þá sáum við 25 ára stúdentana sem ansi gamalt fólk. Sumir áttu m.a.s. held ég börn í hópnum okkar!!! Þó að nú sé komið að okkur að vera 25 ára stúdentar og jafnvel þó einhver okkar eigi nýstúdenta núna þá hef ég bara enga trú á því að við séum jafn gömul í útliti og mér fannst sá hópur vera forðum. Mér finnst við alltaf jafn ungleg og við vorum í 6. bekk. Kannski ekki alveg eins ungleg og í 3. bekk (sbr myndirnar) en eiginlega bara næstum því eins og í 6. bekk. Ætli 25 ára stúdentarnir 1983 hafi líka séð sig þannig?

 

Ég velti því líka fyrir mér hversu margir eru hættir að ganga undir gælunöfnunum sem við notuðum í MA. Ég veit um nokkra, enda ótækt fyrir virðulega lögfræðinga eða menntaskólakennara að ganga undir slíkum nöfnum og þá tíðkuðust. Spurningin er aftur á móti hvort það sé almennt eða undantekning að gælunöfn séu ekki lengur notuð í daglegu tali. Þarf ég, sem alltaf hef barist fyrir því að vera kölluð fullu nafni (Ásta Júlía) að fara að æfa mig á nöfnum annarra???

 

Myndaalbúmið - hressir upp á minnið

Það eru komnar nokkrar myndir í myndaalbúmið. Þær vekja óneitanlega margar góðar minningar. Það væri nú gaman að það fylgdu sögur með einhverjum þessara mynda, eða öðrum ókomnum. Sendið endiglega inn sögur.

Það vantar líka fleir myndir. Kíkið inn og athugið hvort ykkur finnst ekki vanta myndir af ykkar bekkjarfélögum. Sendið líka myndir, það er svo gaman að skoða þær.

Gerum síðuna enn flottari,
Ásta Júlía

Borga fyrir 1. júní

Eru einhverjir sem eiga eftir að borga 7000 kallinn? Það er gjöf til skólans, leiga  á Höllinni ofl. Vinsamlega millifærið þessa upphæð ekki síðar en 1.júní 2008 inn á reikning: 0101-05-271141 kt. 141163-5319.  Mikilvægt er að þar komi fram nafn viðkomandi og bekkjardeild.

 

Okkar síða - gerum hana flotta!

Kæru skólasystkin.

 

Margir tala um að það vanti meira fjör á þessa síðu, myndir, sögur og skemmtilegar minningar. Þá kemur til kasta okkar allra. Við þurfum að fara í kistur minninganna og finna góðar sögur úr tímum eða úr öðru skólastarfi, skálaferðum, frá Spáni eða úr Lystigarðinum. Pistill Bryndísar og Önnu Kristínar í gestabókinni vakti upp minningar hjá mér og örugglega mörgum öðrum. Ég veit að það eru margir góðir sögumenn og konur í þessum frábæra árgangi og skora á ykkur að setjast niður og skrá einhverjar þeirra einstöku minninga eða minningarbrota sem á ykkur sækja og senda inn.

 

Það er líka skemmtilegt að skreyta síðuna með myndum. Þetta er áskorun til okkar allra að finna gömlu myndaalbúmin, þessi sem eru kannski ekki eins mikið skoðuð og þau með barnamyndunum og finna birtingarhæfar, skemmtilegar myndir úr skólastarfinu, skanna þær inn og senda svo allir geti fengið að njóta.

 

Þetta er OKKAR síða og við berum öll ábyrgð á því að hún sé skemmtileg, flott, frábær, fjörug og allt það. Við vorum frábær árgangur og ef við munum það ekki, hver á þá að gera það!!!

 

Ég vil minna ykkur á gestabókina sem hefur krækju hér vinstra megin. Farið endilega þangað og skrifið eitthvað skemmtilegt. Þar er góður vettvangur fyrir skemmtileg skrif en einnig til að hvetja hvert annað til dáða, hlakka opinberlega til og koma sér og öðrum í stuð fyrir þessa frábæru hátíð sem í vændum er.

 

Sendið myndir og sögur á: [e-mail], [e-mail], , [e-mail] eða [e-mail]

 

Koma svo krakkar!!!!

Ásta Júlía

 

Allavega komin dagsetning á partí

 

Dagskráin púslast saman, allir bekkir fara í partí 14. júní hjá einhverju fórnfúsum bekkjarfélaga sem er ekki annt um parketið sitt, og mæta svo á Græna hattinum um kl. 23 og dansa af sér hausinn.