Af upphitunum

Góðan veðurdag

 

Það dugði ekkert minna til en að eyjan okkar fallega fagnaði með látum þegar við hittumst á Hilton á fimmtudaginn !!! Hún fór auðvitað svolítið fram úr sér og fagnaðarlætin voru heldur ýkt, sem var alger óþarfi. Við höfum auðvitað alltaf verið sérstök svo það er svo sem ekki skrítið að náttúrunni þyki við hæfi að fagna með okkur. Nú trúum við því bara staðfastlega að náttúran fagni með glampandi sól og blíðu þegar við hittumst á Akureyri.

 

Það var mun betri mæting á Hilton á fimmtudaginn en í vikunni á undan. Það var mjög gaman að hitta þann föngulega hóp. Fögnuður náttúrunnar hafði hins vegar einhver áhrif á myndavélina mína (þið vitið; „árinni kennir illur ræðari“) svo fæstar myndirnar síðan í þessari upphitun enduðu í fókus. Það eru samt nokkrar misgóðar komnar inn í möppu í albúminu. Það gengur bara betur næst.

 

Við ætlum að halda áfram að hita svona upp. Það er gott fyrir liðsandann og svo er það svo svakalega gaman. Vondi sjá enn fleiri sér fært að koma á Hilton á næsta fimmtudag kl 17.00. Það er svo gaman.

 

Hlakka til að sjá ykkur sem flest í næstu viku.

Ásta Júlía

 

 

Myndir

http://gallery.mac.com/alhf#100005&bgcolor=black&view=grid

 

getið skoðað með ýmsum hætti,  sjá um það neðst í vinstra horni.

Óvissuferð 20 ára stúdentar

Kæru skólasystkin.

Inn eru komnar margar flottar myndir sem Adolf tók í óvissuferðinni okkar 2003.

Innan okkar hóps er mikil stemmning,"útlendingarnir" okkar ætla allir að mæta.

Geri aðrir betur.  

Hlökkum til að hitta ykkur.

"Bekksögnin 6 B"

Myndir

Myndir:

http://gallery.mac.com/alhf

20 ára afmælið,  Partý,  ýmsar myndir (f partý, u partý, auðvitað spánn, dimiteringar, myndir af öllum bekkjum, MA skúrinn og eitthvað meira.)

kv Þorsteinn

Hilton og myndir frá 20 ára afmælinu

Sæl öll

Ég vil byrja á því að minna ykkur á að við sem stödd verðum á suðurlandi á morgun, stefnum að því að hittast, sbr. færslu hér neðar á síðunni sem skrifuð var 23. maí s.l. Kíkið á hana og mætið endilega á Hilton á morgun kl 17.00

Svo frétti ég á skotspónum fyrir nokkrum vikum að hann Þorsteinn bekkjarbróðir minn lúrði á myndum síðan í 20 ára afmælinu okkar.  Ég bað hann endilega um að setja þær inn á vefinn því engar slíkar hafa borist. Hann var meira en tilbúinn til að gera það. Það dróst víst aðeins og í dag sendi hann mér krækju inn á vef, þar sem hann hefur komið þessum myndum fyrir.  http://web.mac.com/alhf/Site/Photos.html  Ég sá að það var greinilega mjög gaman hjá ykkur. Kíkið endilega á þetta og rifjið upp  

Ef einhverjir fleiri eiga myndir frá einhverjum tímapunkti þar sem við höfum verið saman, í skólanum eða á stúdentsafmæli þá væri gaman að sjá þær hér á vefnum.

Hlakka til að sjá ykkur sem flest á morgun
Ásta Júlía

Óvissuferðin okkar 15. júní 2008

Hér koma nýjustu upplýsingar um óvissuferð. Þær eru ákaflega mikilvægar svo lesið nú af athygli kæru skólasystkin.

 

Nú er komið að því að skrá sig í óvissuferð. Bekkjarfulltrúar sjá um að skrá ykkur og munið að láta vita ef þið takið maka með. Ef þið hafið ekki póstfang bekkjarfulltrúa má senda skráningu á [e-mail]. Um leið og þið skráið ykkur eruð þið beðin um að greiða óvissuferðina sem kostar 6000 á mann. Vinsamlega leggið inn á 1145-05-444179, kt. 181063-3009. Setjið nafn og bekk sem skýringu og sendið bekkjarfulltrúa og Hrafnhildi [e-mail] póst um að þið hafið greitt.

 

Óvissuferðin verður á vit íslenskrar náttúru og sveitamenningar svo best er að vera klæddur til útiveru. Ekki langur akstur og hreyfing verður hæfileg fyrir fólk sem er á besta aldri. Skráið ykkur fyrir 2. júní.

 

Mjög mikilvægt: Skrá sig í óvissuferð og greiða hana, skrá sig í Höllina www.bautinn.muna.is (miðana greiðið þið þegar þið sækið þá) og svo má ekki gleyma reikningi 25 ára stúdenta, leggja inn á hann sem fyrst 0101-05-271141 kt. 141163-5319 , - kr. 7000. Þegar þessu er lokið þá eruð þið klár í slaginn.

 

Við hlökkum til að sjá ykkur öll,

Fríða Pétursdóttir

Annar í upphitun

 

Kæru skólasystkini

 

Eins og fram kemur í færslu síðan í gær, var auglýst upphitun fyrir norðurferð seinnipartinn í gær, með mjög stuttum fyrirvara. Eins og við var að búast þá mættu fáir en það var mjög gaman og fáir höfðu breyst neitt að ráði eins og sést á myndunum í albúminu. Þess vegna var ákveðið að endurtaka þetta eftir viku svo fleiri geti mætt.

 

Við ætlum sem sagt að hittast á Hilton við Suðurlandsbraut fimmtudaginn 29. maí klukkan 17.00. Vonandi geta sem flestir úr árganginum okkar sem eru á stór höfuðborgarsvæðinu mætt og átt huggulega stund með gömlum félögum. Það er fyllilega þess virði.

 

Þeir sem eru svo óheppnir að geta ekki mætt í afmælisfagnaðinn í júní geta líka mætt þarna til að fá smá sárabót fyrir að komast ekki norður.

 

Takið þennan seinnipart frá og komið og njótið þess að hita upp fyrir norðurferðina.

Hlakka til að sjá ykkur

Ásta Júlía

Hittumst í kvöld

Allir verðandi 25 ára MA stúdentar sem vettlingi geta valdið ætla að hittast á Hilton í dag kl 17.00. Ef þið eruð stödd á stór höfuðborgarsvæðinu látið þá endilega sjá ykkur og hitið upp fyrir hátíðina í júní. Setjið ykkur í gírinn og njótið fyrstu samveru vorsins með frábærum hópi. Þeir sem ekki komast norður í sumar eru líka hvattir til að koma.

Sjáumst hress

Ásta Júlía

 

Frá veislustjórum

Halló allesammen!

Vildi bara láta ykkur vita að við Freddi erum farin að stinga saman nefjum varðandi veisluna í höllinni og ég var m.a. að senda afmælisárgöngunum bréf þar sem við ítrekum ósk um skemmtiatriði og ennfremur að biðja þau að láta okkur vita af þeim textum sem þau vilja koma í söngskrána. Það sama gildir auðvitað um okkur, Sirra er búin að minna á "heimaleikfimi er heilsubót" og endilega stingið upp á fleirum af "okkar lögum".  Minnið er auðvitað farið að gefa sig en ef við leggjum saman hlýtur ýmislegt að rifast upp.

Lilja var að rifja upp Salmonelluna á Spáni, ótrúlegt hvað við virkum hress á myndunum þrátt fyrir minningar um skrið á klósettið nokkrum sinnum á dag og lækninn sem kom og sprautaði okkur daglega í rassinn og fékk svo lánaða hjá okkur sígarettu! Hrikalega traustvekjandi gaur! En við náttúrulega drekktum Salmonellunni í gini og tóniki fyrir rest!!

Hlakka til að sjá ykkur.

Inga Dagný 

 

Drög að dagskrá fyrir 25 ára stúdenta 14. – 17. júní 2008

Heil og sæl

Nefnd kátra norðanmanna hefur sett saman dagskrá fyrir hópinn dagana 14. – 17. júní. Það má enginn missa af þessu!

 

14. júní: Bekkjarpartý sem hver bekkur fyrir sig skipuleggur. Mugison verður með tónleika á

Græna hattinum þetta kvöld sem ættu að verða búnir upp úr kl. 23. Eftir það verður húsið opið fyrir okkur, ekki verður selt inn en barinn verður opinn og tónlist í græjunum sem hæfir „gamalmennum” eins og okkur.

15. júní: Óvissuferð. Mæting við Gamla skóla kl. 13:45. Myndataka og skoðunarferð um

skólann. Kl. 15 brottför út í óvissuna. Ekki langur akstur, áhersla á hópefli og skemmtilegheit. Um sjöleytið verðum við á kvöldverðarstað. Matur og ball með lifandi tónlist. Áætluð brottför í bæinn um miðnætti. Nánari upplýsingar um útbúnað fyrir ferðina koma síðar. Við getum þó strax mælt með lopapeysunni og bakpokanum. Bekkjarfulltrúar hvers bekkjar munu sjá um skráningu í óvissuferð.

16. júní: Engin dagskrá á okkar vegum, því það komu fram óskir um frjálsan tíma til þess að

njóta þess að vera á Akureyri. (Ef þið eruð ráðalaus þá má t.d. kíkja í heimsókn til vina og ættingja, fara á kaffihús, heimsækja Lystigarðinn, Kjarnaskóg, sundlaugarnar eða fara í golf). Svo mæta bara allir hressir og kátir í Höllina um kvöldið og við förum að sjálfsögðu síðust heim eins og góðum gestgjöfum sæmir.

17. júní: Öllum velkomið að mæta á skólaslit og útskrift MA í Höllinni.

 

Öll þessi herlegheit koma til með að kosta eitthvað. Muna að leggja inn á Jón Þór fyrir 1. júní 7000 kr. fyrir gjöf til skólans og kostnaði vegna hátíðarinnar í Höllinni. (Við erum ábyrg fyrir samkomunni). Muna að panta miða í Höllina hjá Bautamönnum (sjá krækju vinstra megin á síðunni), þá má greiða þegar þeir eru sóttir og kosta 8.700. Áætlað verð á óvissuferð er um 6000 og koma nánari upplýsingar um reikningsnúmer vegna hennar væntanlega í næstu viku.

                                                                                  Hlökkum til að sjá ykkur öll,

                                                                                  Akureyrarnefndin