Takk, takk, takk og takk

Komið öll sæl

og hjartans þakkir fyrir dásamlegan tíma

 

Ég var að koma heim og í nettengingu og þakkir til ykkar allra var það fyrsta sem mér kom í hug. Ég get ekki ímyndað mér að gleðivíman renni af mér næstu mánuði. Þetta var stórkostlegt frá upphafi til enda.

 

Undirbúningsnefndir, bæði sunnan og norðan heiða.

Óvissuferðin var frábær og allt í höllinni tókust framar björtustu vonum. Við getum öll verið stolt af „okkar“ framlagi þar.

 

Inga Dagný. Undirbúningur þinn skilaði sér svo sannarlega. Kynningarnar á árgöngum voru glæsilegar og allt utanumhald var með sóma.

Friðfinnur og Inga þið voruð glæsilegir kynnar!!

 

Steinunn.

Ræðan þín var smellin, skemmtileg og átti erindi til allra og flutt af þeim skörungsskap sem við er að búast af þér. Takk kærlega fyrir

 

Þorlákur

Ræðan þín á 17. júní var líka mjög flott og viðeigandi. Takk fyrir, þú varst glæsilegur fulltrúi 25 ára stúdenta.

 

Öll hin.

Takk fyrir að vera hlutarnir sem fylla heildina sem þessi frábæri árgangur myndar. Það eru allir einstaklingarnir stjörnur á þeim himni. Þið eruð æðisleg!!! Ég held að það geti enginn sem ekki hefur reynt það ímyndað sér hvernig er að vera hluti af svona hópi.

 

Það er svolítill tregi í mér yfir því að þetta er allt búið en ég mun svo sannarlega lifa á minningunum um ókomin ár. Ég mun örugglega skoða myndirnar oft. Ég set eitthvað af þeim inn á netið á næstu dögum. Nú hef ég líka enn meiri ástæðu til þess að hlakka til að hitta ykkur næst.

Talandi um það.

Það kom upp hugmynd um að hafa einhverskonar hitting fyrir þá sem kæmust hér í Reykjavík í haust, eitt skemmtilegt kvöld t.d. fyrstu helgina í september. Nánar um það síðar.

 

Bestu kveðjur til ykkar allra og líka þeirra maka sem mættu, gaman að kynnast þeim.

Þar til næst,

Ásta Júlía

 

Athugasemdir

[Inga Dagný Eydal, 19.6.2008 kl. 22:39]

Hjartans þakkir Ásta mín fyrir góðar kveðjur. Takk líka fyrir að peppa endalaust á þessu ágæta bloggi, áhugasemi og jákvæðni. Gjöfin sem þú útbjóst til skólans var líka óskaplega falleg.

Knús til allra þar til næst.

Ein þreytt en ánægð með okkur öll!! 

[Ásta Júlía Hreinsdóttir, 20.6.2008 kl. 16:06]

Takk Inga mín fyrir falleg orð.

[Helga Baldvinsdóttir, 23.6.2008 kl. 09:41]

Sæl öll og takk kærlega fyrir frábæra samveru - þetta var allt saman alveg meiriháttar skemmtilgt og vel skipulagt.  Ég má nú til með að hrósa Ingu og Fredda fyrir frábæra veislustjórn í höllinni - mikið var þetta vel gert og skemmtilegt hjá ykkur - þetta var tær snilld!!!        Við sjáumst aftur næst þegar við sjáumst ;-) 

Bestu kveðjur, Helga.

P.S.  Mér líst vel á hitting fyrstu helgina í september.