Gamanið rétt að byrja!!!

Góðan veðurdag og gleðilega hátíð!

Hvílík blíða sem er hér á leiðinni. Af hverju á ég til dæmis ekki blæjubíl á degi eins og þessum? Ef veðrið er eins í höfuðstaðnum eins og það er hér í Skagafirðinum fagra sem ég er að keyra í gegn um. þá erum við aldeilis blessuð af veðurguðunum. Ég er búin að heyra í nokkrum skólasystkinum okkar sem eru á leiðinni norður í blíðunni og spenningurinn magnast í öllum bílum.

 

Fyrir 25 árum voru prófin búin og tíminn fram að útskrift þrungið létti, spenningi og um fram allt gleði. Í dag erum við í svolítið svipuðum sporum. Mjög skemmtilegur undirbúningur er á lokastigi og við ætlum að skemmta okkur saman í 3 daga líkt og þá.

 

Spennan yfir því að hitta ykkur öll eykst með hverjum kílómetranum sem bíllinn sigrar og nú eru bara örfáir klukkutímar þar til bekkjarpartýin hefjast!!! Jibbý!!!

 

Hlakka til að sjá ykkur í kvöld

Ásta Júlía